Tez Ol Saqi...
Tez ol saqi, ver ol odlu sudan, vergil,
Canım yandı, mene gelsin qadan, vergil!
İyi baxdım, için, dışın bu qurqunun,
Ne ferq eyler? içindir ya yalan, vergil!
Qerip elde, qara qaşlar, qara gözler...
Qerip etmiş ömür bağın talan, vergil!
O kimdir ki qalar, getmez, geder yolda?
Neden qalmaz geden yolda qalan? vergil!
Başım uçsa, uçar başdan, salar derde,
Seni salmaz, meni derde salan, vergil!
Oyup qazdım, qaranlıqdan delik açtım...
Deşikden, ol menem bil ki baxan, vergil!
Biraz tozdur, biraz oddur, doner birge,
Ne göz yaşı, ne topraqdır, ne qan, vergil!
Gülüm saqı! canım saqi! nedir çare?
Buyur söyle! halım olmuş yaman, vergil!
İçim yandı, ver ol odlu sudan, gel al,
Firuzi'den hele var yox bu can, vergil!
Oğuz Türk
May 09, 2008
...تئز اول ساقی
تئز اول ساقی٬ وئر اول اودلو سودان٬ وئرگیل٬
جانیم یاندی٬ مهنه گهلسین قادان٬ وئرگیل٬
اییی باخدیم٬ ایچین٬ دیشین بو قورقونون٬
نه فرق ائیلهر؟ ایچیندیر یا یالان٬ وئرگیل٬
غریب ائلده٬ قارا قاشلار٬ قارا گوزلهر٬
غریب ائتمیش عومور باغین تالان٬ وئرگیل٬
او کیمدیر کی قالار٬ گئتمهز٬ گئدهر یولدا؟
نهدهن قالماز گئدهن یولدا قالان؟ وئرگیل٬
باشیم اوچسا٬ اوچار باشدان٬ سالار درده٬
سهنی سالاماز٬ مهنی درده سالان٬ وئرگیل٬
اویوب قازدیم٬ قارانلیقدان دهلیک آچدیم٬
دئشیکدهن ٬او مهنهم بیل کی باخان٬ وئرگیل٬
بیراز توزدور٬ بیراز اوددور٬ دونهر بیرگه٬
نه گوز یاشی٬ نه توپراقدیر٬ نه قان٬ وئرگیل٬
گولوم ساقی٬ جانیم ساقی٬ نهدیر چاره؟
بویور سویله٬ حالیم اولموش یامان٬ وئرگیل٬
ایچیم یاندی٬ وئر اول اودلو سودان٬ گهل آل٬
فیروزیدهن ههله وار یوخ بو جان٬ وئر گیل٬
اوغوز تورک
May 09, 2008
No comments:
Post a Comment