Thursday, March 06, 2014

Sensin Ya Menem? سه‌ن‌سين يا مه‌نه‌م؟




Sensin Ya Menem?

Öyle ki menle qarışdın ey senem,
kimse bilmez ki bu sensin ya menem.

Senle menlik indi qalxdı aradan,
Senle men yox, sen men oldun, men senem.

Qalmamış perde aramızda daxi,
Sen mene cansın, men ise bedenem.

Gözüme uzaq göründük dün gece,
Gün çıxarken belli oldu erenem.

Sözden anlamdan öte düşüncede,
Yel önünde çölde qoşan gevenem.

Yoxdur amac bu bucaqsız evrene,
Yol ki yoxdur, ne gelen, ne gedenem.

Sığmadım men evrene, dar geldi dar,
Mende ancaq sığdı indi evrenem.

Esredim bıydım çaxır evinde men,
Men daxi özümü e'lan edenem.

Oğuz'un sözü ne yazar varlığa?
Men ki senden ötrü sözden geçenem!

Oğuz Türk
2014





سه‌ن‌سين يا مه‌نه‌م؟

اويله کي مه‌ن‌له قاريشدين اي صنم
کيمسه بيلمه‌ز کي بو سه‌ن‌سين يا مه‌نه‌‌م

سه‌ن‌له مه‌ن‌ليک ايندي قالخدي آرادان
سه‌ن‌له مه‌ن يوخ سه‌ن مه‌ن اولدون مه‌ن سه‌نه‌م

قالماميش په‌رده آراميزدا داخي
سه‌ن مه‌نه جانسين مه‌ن ايسه به‌ده‌نه‌م

گوزومه اوزاق گوروندوک دون گئجه
گون چيخارکه‌ن به‌للي اولدو اه‌ره‌نه‌م

سوزله آنلامدان اوته دوشونجه‌ده
یئل اونونده چولده قوشان گه‌وه‌نه‌م

يوخدور آماج بو بوجاقسيز اه‌وره‌نه
يول کي يوخدور نه گه‌له‌ن نه گئده‌نه‌م

سيغماديم مه‌ن اه‌وره‌نه دار گه‌لدي دار
مه‌نده آنجاق سيغدي ايندي اه‌وره‌نه‌م

اه‌سره‌ديم بييديم چاخير ائوينده مه‌ن
مه‌ن داخي اوزومو اعلان ائده‌نه‌م

اوغوزون سوزو نه يازار وارليغا
مه‌ن کي سه‌نده‌ن اوترو سوزده‌ن گئچه‌نه‌م


اوغوز تورک
۲۰۱۴