Ela ya eyyohel saqi
Ağulandım sağalmazam ne dincellem ne var yaqi,
Çanağı al, dolandır, sun, qadanı aldığım saqi...
''Ene -lmesmum, ma indi be teryaqen ve ma raqi,
Eder ke'sen ve navelha, ela ya eyyohel saqi''.
Yaşam geçdi bilincsizce qalanı da geçir öyle,
''Meza fi qefleten omri, kezalek yezhebo -lbaqi''.
Ne men hüsen, ne sen yezid, ne bura kerbela çolu,
Evin yiyesi çün sensin, susuz buraxma qonaği.
Bas ol qutlu eyağını, senindir gönlümün taği.
Telesmek gerek indi, çün geçen an geri gelmezdir,
Buyur teşrif getir ey can, gezelim birge bu baği...
Sağa sola baxıb, gelmemeğe bahane arırsın,
Ayaq bassan göze, gelsen, ne ferq eyler solu saği?
Dün axşamdan seni gözler, yazıq canım, seni özler,
Reqibim yaramı duzlar, bitib mi dostluğun çaği?
Bize ayrılığı salan, düşe ayrı seveninden,
Yaşamı sürgüne düşsün, dağıla evi tüfağı.
Gel indi içek ey can, ki ne içqi qalacaq ne biz,
Bu acundan, biraz sonra, ne ad qalar ne soraği...
Gönül dodağımın üste dodağını eder arzı,...
Min il sonra yapılanda başımdan gine çanaği...
Neçe yol danladım gönlü, ''bu yaşda doşme sevgiye''
Söze baxmır, nece uslandıra billem bu şıltaği?
Oğuz'un güzü gelmişdir, yazı yayı yaşamadan,
Talanıbdır canın xonu, bozulubdur gönül tağı
Oğuz Türk
2014
الا يا ايهاالساقي
آغولانديم٬ ساغالمازام٬ نه دينجهللهم٬ نه وار ياقي٬
.چاناغي آل٬ دولاندير٬ سون٬ قاداني آلديغيم ساقي
انا المسموم٬ ما عندي به ترياق٬ و لا راقي٬»
.«ادر کاس٬ و ناولها٬ الا يا ايهاالساقي
ياشام گئچدي بيلينجسيزجه٬ قالاني دا گئچير اويله٬
.«مضي في غفلة عمري٬ کذالک يذهب الباقي»
نه مهن حسين٬ نه سهن يزيد٬ نه بورا کربلا چولو٬
.ائوين يييهسي چون سهنسين٬ سوسوز بوراخما قوناغي
گونول آلچاقليق ائيلهسهن٬ بيزيم دوزئيه ائنهرسهن٬
.باس اول قوتلو آياغيني٬ سهنيندير گونلومون تاغي
تهلهسمهک گهرهک ايندي٬ چون گئچهن آن گئري گهلمهزدير٬
.بويور تشريف گهتير اي جان٬ گهزهليم بيرگه بو باغي
ساغا سولا باخيب٬ گهلمهمهيه بهانه آرارسين٬
آياق باسسان گوزه٬ گهلسهن٬ نه فرق ائيلهر سولو ساغي؟
,دون آخشامدان سهني گوزلهر٬ يازيق جانيم٬ سهني اوزلهر
رقيبيم يارامي دوزلار٬ بيتيب مي دوستلوغون چاغي؟
بيزه آيريليغي سالان٬ دوشه آيري سئوهنيندهن٬
.ياشامي سورگونه دوشسون٬ داغيلا ائوي توفاغي
گهل ايندي ايچهک اي جان٬ کي نه ايچگي قالاجاق نه بيز٬
.بو آجوندان٬ بيرآز سونرا٬ نه آد قالار نه سوراغي
گونول دوداغيمين اوسته دوداغيني ائدهر آرزي...٬
...مين ايل سونرا ياپيلاندا باشيمدان گئنه چاناغي
نئچه يول دانلاديم گونلو: بو ياشدا دوشمه سئوگييه٬
سوزه باخمير٬ نئجه اوسلانديرا بيللهم بو شيلتاغي؟
اوغوزون گوزو گهلميشدير٬ يازي يايي ياشامادان٬
.تالانيبدير جانين خونو٬ بوزولوبدور گونول تاغي
اوغوز تورک
۲۰۱۴
...............................
No comments:
Post a Comment