,آزربایجان، قوزئی، گونئی، و کیملیک قونوسونا چوخ قیسا باخیش
آزربایجانین تاریخی توپراقلارینین آرازین قوزئی بؤلومونون بیر پارچاسی، سوویئت دوزهنی داغیلاندان سونرا، قوزئی آزربایجان اولاراق تانینیر. آنجاق، او توپراقلار گهرچهک قوزئی آزربایجانین چوخ کوچوک بیر پارچاسیدیر. روس ایستیلاجیلیغیندان قورتولوب قالان بیر بؤلگه، پارچا پارچا اولموش، دونیا سولارینا قاپالی، روسلار، ائرمنیلهر، و گورجولهر توپرا...قلاریندا یئر آلان بو یئرلهره بیز قوزئی آذربایجان دئییریک. البته کی بو یالنیش بیر توتومدور. بیزجه، آزربایجانین قوزئیی، ویا قوزئی آزربایجان، آستاراخانا قدر یئری قاپساماقدادیر. آما، تاریخی و سیاسی حافظهنین و بهللهيین آز اولدوغو دورومدا، و باش ائییب، باسقییی قبول ائتدیغیمیز دورومدا، ملتلهر ده اؤز توپراقلارینی اهلدهن وئرهرلهر و کیملیکلهری، کولتورلهری ده توپراقلاری کیمین ايستیلا آلتینا گئدهر.
تورک کیملیگینین چوخ سیستئماتیک اولاراق سیاسی سؤیلهمدهن سیلینمهسی روسلارین طرفیندهن باشاریلی اولاراق اویقولانمیش دورومدا، قوزئی آزربایجان دئدیگیمیز یئرلهرده ده یئنی باغیمسیزلیقلارینی ائلده ائدهنده، اولکهنین آدینی قوزئی آزربایجان، و دیلینی ده تورکجه اولراق رسمیلهشدیرمهدیلهر. دولت ایدارهسینه گئچهنلهر هانگی سیاسی گؤروشدهن اولور اولسون، 150 ایل روس ایستیلاسی و 80 ایل روس ایرقچیلیغین دوشونجهسهل آراجی اولان کومونیسم ایستیلاسی آلتیندا یاشاییب، و بوتونلوکله روس یول و یؤنتهمی ایله دونیا گؤروشو گهلیشدیرمیش آداملار اولموشلار. 'روسلاشماغا و روس کیمین اولماغا اؤزهن گؤستهرمه و روس دونیا آچیسیندان دونیایا باخما دوشونوشو، بیر خستهلیک کیمین، ههمهن ههمهن بوتون قوزئی آذربایجان اوست قاتینی، و ائلیت طبقهسینی قاورامیش دورومدادیر. 'من آزربایجانلیيام، تورک دئگیلهم. دیلیم آزربایجانجادیر، تورکجه دئگیل دوشونجهسی بو خستهلیگین اهن بهلیرگین سیمگهلهریندهندیر. بو خستهلیک آدلاندیردیغیمیز دوشونوش باسقیسی و ایستیلاسی، دئيیشیک قوشاقلارین روس چارپینتیسیندان آرینماقلا اولاندیر. بو دا٬ تورک اوداقلی ائیتیم و تورک دوشونجهلی و دوشونوشلو اورتامدا اولور. قوزئی آزربایجان آبجسینده روس قالینتیسینین اولماسی، رسمی دیلین 'آزربایجانجا دئییلمهسی، و توپراقلارین آدیندا 'ریسپوبلیکا کیمین روس دئییشلی سؤزلهرین اولماسی، و گهنهلده روس یاناشیلی سیاسی و کولتورهل اورتام، و دونیا گؤروشو بیر خستهلیک کیمین دهرمان اولونمالیدیر. بو ایش ده قوشاقدان قوشاغا اولان ایشدیر و بیر قوشاقدا اولان دئگیلدیر. تورک محورلی دولتلهرین ایشیدیر. قوزئی آزربایجان باغیمسیز اولدوغونا گؤره، ههله ده بو گهلهجهيه و بو سعادتلی تورک اوداقلی میللی وارلیغا یئتیشمهیه اومود واردیر. بیزه گؤره بو اومودون قایناغی دا گونئی آزربایجاندیر. بو ملتلهشمهیین و یئنیدهن تورکلهشمهیین آچاری گونئی آزربایجاندا و ایران ایشقالیندان قورتولمادادیر.
گونئی آزربایجانین باغیمسیزلیغی، اؤنجهدهن ده وورقولادیغیمیز کیمین، بؤلگهنی، تورک دونیاسینی و دونیا سیاستینی دئگیشدیرهجهکدیر. بؤیله بیر دورومدا، 'دونیا بؤیوک گوجلهری دیه سؤیلهنیلهن اولکهلهر ده، سیاستلهرینی بیزیم دیرچهلمهمیزه گؤره و گهلیشمهمیزه گؤره دوزهنلهیهجهکلهر. بیز گونئی آزربایجانین باغیمسیزلیغی اؤلوم و دیریلیک قونوسودور دیيهنده، بونو قصد ائدیریک. گونئی آزربایجان ایران ایشقالیندا و ادارهسینده قالدیقجا، یاشادغیمیز توپراق آزربایجانسیزلاشیر، و میللئتیمیز ده تورکسوزلهشیر. بو سورهردوروم دوغرو دئگیلدیر و هئچکهسه ایللا هئچ تورکه یاراشان دئگیلدیر. گونئی آزربایجانین تاریخی توپراقلاری، اوستوندهن آزربایجان آدی گؤتورولهندهن سونرا، ایرانین ایچینده بؤلگهلهره، فارسجا 'اوستانلارا بؤلونموش و یاواش یاواش آزربایجانسیزلاشدیریلمیش دورومدادیر. گئنه ده تاریخی و سیاسی بهللهيین و حافظهنین آز اولدوغوندان، بو ایش ایران-فارس محورلی دوشونجهلهرین طرفیندهن باشارییلا اولموشدور. اؤزونو اهن آزیندان 'آزربایجان اوستانیندان بیلمهیهن بیریسینین توپراقسال و یئرسهل کیملیگی گهرگینلهشمیش و البته کی داها چوخ ایرانچیلیغا سؤوکهنهن بیر کیملیک اولوشموشدور. بو کیملیک گهرگینلیيی و شاشقینلیغی، آزربایجان آدی گئچمیش 100 ایلده اوستوندهن قالدیریلمیش یؤرهلهری اینسانلاریندا گؤرونمهکدیر. گئچمیش 100 ایلده میلیونلار گونئی آذربایجان تورکونون ایرانلیلاشماسی و فارسلاشماسی، بو اوزون سوره و پیلانلی اولاراق اؤزگهلهشمهنین سونوجودور. بیز میلیونلاردان سؤز ائدهنده بلکه بو سایی بیر آز شیشیردیلمیش و آبارتیلمیش گهله بیلیر. آما بیر آز گهرچهکجی باخیش بو آجی گهرچهيی داها دا یاخچی آنلاماغا یاردیم ائدهر. قاجار دوزهنینین داغیلیشیندان بویانا و فارسلارین فارس-ایران اوداقلی، و باسقییلا هامییی ایرانلیلاشدیرما و فارسلاشدیرما سیستئمی سورهجینه یاخچیجا اینجهلهنهنده، گهرچهکدهن ده میلیونلار تورکون اؤز کیملیگینی ایتیردیگی گون ایشیغینا چیخیر. ایندی 35 میلیون آزربایجان تورکونون ایران ایشقالیندا اولدوغونو ائشیتسهکده، گهرچهک بودور کی، اؤزونو ایرانلی بیلهن و حتي فارس بیلهن میلیونلاریمیز دا واردیر. بو آجی گهرچهک بیر ملتین گؤزوموزون اؤنونده و بیزیم یاشادیغیمیز عصرده اهرییب گئتدیيیدیر. بو کیملیک شاشقینلیغی و بو رذالت و بو اوزون سوره، هر آراشدیریجییی داها دا چوخ سورولارلا و چهتینلیکلهرله اوز اوزه بيراخیر.
'آزریلیک کیملیگی اؤزو اؤزونده بیر خبیثلیک و شرارت داشیمایان بیر سؤز اولدوغونا گؤره، دوغرودور. هر اؤزونو آزربایجانلی بیلهن کیشی (اینسان) البته کی اؤزونو 'آزری تانیتا بیلهر. باشقا ملتلهرین دیلینده ده بیزه 'آزری دئیه بیلهرلهر، و بونون هئچ ده ساقینجاسی یوخدور. ایشین اینجهلیگی اوندا گؤرونور کی، حتي بو قونو دا آزربایجان و تورک دوشمانلاری طرفیندهن قوللانیلماقدادیر. کیملیک شاشقینلیغینی آرتیرماق اوچون و چوخ اینجهلیکله پیلانلانان بو دوزاق، روسلار و اولارین پولسوز نؤکهرلهری فارسلار طرفیندهن اویقولانمیشدیر. نئجه کی 'آزری سؤزو 'تورک دئمهمهک اوچون اویدورولموشدور. حالبوکی، بیر باغیمسیز و اؤزگور ملت اؤزو اؤزونه نه دئییرسه و اؤزونو نه چاغیریرسا، او یالنیز اونو ایلگیلهندیریر. گئچمیش یوز ایلده نئجه اولکهلهرین ملتی و دولتی اونلارین آدینی دئيیشدیرمیشلهر و هئچ نه ده اولمامیش. اؤزونو نئجه آدلاندیرماق، بیر بیرئیین و بیر توپلومون ایلکهل حقلهریندهندیر. آنجاق، گونئی آزربایجاندا بو 'آزریجیلیگین و 'تورکدهن چهکینمهکلیگین کؤکو آچیقجا آزربایجان و تورک دوشمانلارینین بیزی یوخ ائتمه چابالارینداندیر. گونئی آزربایجان باغیمسیز اولمادیغینا گؤره، حال حاضردا اوردا یاشایان تورک ملتینه یئنی آد بیچیله بیلمهز، و او توپراقلارا یئنی آد سئچیله بیلمهز.
ایشقال باشلایان دوروما دونولمهلي و او دورومدا نئ ایمیش اؤیلئ اولماليدير. بوتون گونئی آزربایجان تاریخی توپراقلارا 'آزربایجان٬ و گهنهلده چوخونلوغو اولان ملته ده 'تورک ملتی دئییلیر. یالنیز باغیمسیزلیق اهلده ائدیلهندهن سونرا بو قونولار داها دموکراتیک و آچیق و بیلیمسهل آلاندا دانیشیغا آچیق اولا بیلهر. یوخسا اسارتده و ایشقال آلتیندا جان وئرهن بیر ملته یئنیدهن آد یؤنتانیب اونا بیر گون 'آزری بیر گون 'آزری زبان٬ بیر گون 'ایرانلی دئمهک البته کی ایشقالچینین و بیزی اسیر توتان دوشونجهنین بیزی داها دا شاشیرتماق و بیر بیریمیزه سالماق سیاستیدیر. بونو آنلاماقدا نه وار کی؟
'ایران تورکو آلداتماجاسینی دا اونوتمایالیم. تاریخی اولاراق، باشقا ملتلهرین بیزه نه دئمهلهریندهن اؤته، و بیزی نه آدلاندیردیقلاریندان داها کناردا، ایندیکی دونیا سیاستینده و بؤلگهنین و تورک دونیاسینین ایندیکی و گهلهجهک یارارلاری آنلاییشیلا یولا چیخدیغیمیزدا، گونئی آذربایجان باغیمسیزلیغینین و تورک ملتینین ملتلهشمهسینین اؤنونده، و ایران بوتونلويونو نه قیمتینه اولور اولسون قوروماسیندا یاخچی اویدورولموش بیر دوشونجهدیر. دئمهک 'ایران تورکو ده 'آزری سؤزو کیمین، چوخ 'یاخچی بیر ساختادیر، و بیر اسیر و کیملیک قارقاشاسی یاشایان بیر ملتی داها دا شاشدیرماق و یاهالتماقدان باشقا دئگیلدیر. بیزه گؤره، باغیمسیزلیق و اؤزگورلوک اولمادان بو قونولار یالنیز ملتیميزه یارارسیز و تهرسائتگیلیدیر.
بیزه گؤره، کیشی (اینسان) یؤرهسهل و جوغرافیسهل بیر وارلیقدیر. ایندی، بیر یئرین اوستونده یاشایان، اؤزو اؤز دیلینده اؤز آدینی اؤز ائوینه و ائشیگینه، چایینا، داغینا، یولونا، یئرینه وئرهمهزسه، ایشته بو اؤزگورلوگون قیسیتلانماسی و کیشیلیگین ده آزالماسی آنلامینا گهلیر. بیزه گؤره کیشینین (اینسان) اؤلچوسو دیرهک اولاراق اونون اؤزگورلويو ایله ایلگیلیدیر. اؤزگورلوک چوخ اولدوقجا، کیشیلیک ده او قدر اوستوندور. اؤزگورلويون اؤلچوسو سئچهنهيین چوخوللوغوندان گهلدیینه گؤره، بیرئیسهل اؤزگورلوک کیشینین سئچهنهکلهرینین چوخلوغو آنلامیندادیر. سئچهنهکلهرین چوخلوغو گوج ایله دیرهک ایلیشگیدهدیر. گوج چوخ اولدوقجا، سئچهنهکلهر ده آرتماغا باشلار و اؤزگورلوک دوزئیی یوکسهلهر. ایشته گوج ایلیشگیلهری سئچهنهکلهرله و اؤزگورلوکله بؤیلهدیر، و کیشینین داها چوخ کیشی اولدوغویلا دیرهک ایلیشگیدهدیر. کیشیلهرین (اینسان) ائشیت اولدوقلاری بیر ایستهنیلهن و یوکسهک توتولان ایلکه اولسا دا، زهمینده و گهرچهکده بؤیله دئگیلدیر. بیزه گؤره کیشی نه قدر اؤزگور ایسه او قدر ده چوخ کیشیدیر. دئمهک اؤزگورلوغون دوزئیی کیشیلیگین دوزئییدیر.
بیرئیسهل تانیملارا بهنزهر، توپلوملاری دا بؤیله گوروب دهیهرلهندیريریک. توپلوملار (جامعه) بیر بوتون اولاراق نه قدر اؤزگور ایسه، و اؤز مقدراتینا قادر ایسه او قدر چوخ و نه قدر اؤز ایشلهرینده سؤز و اوی صاحبی دئگیلسه، او قدر آز توپلومدور. چوخلوق و آزلیق البته کی دهیهر، اهلوئریشلیلیک، ایشلهییشلیلیک، و کیشیلیک اویقارلیغینا یارارلیلیق آنلامیندادیر. بیزه گؤره، ایندیکی دونیادا 100% باغیمسیزلیغین و اؤزگورلويون اهلده ائدیلمهسینین گهرچهکجی و حتي دوغرو اولمادیغینی گؤزده توتاراق، توپلوملارین و اونلاری دوزهلدهن بیرئیلهرین (شخص) وارلیق اولچوسو اؤزگورلوکدور.
اوغوز تورک
۲۰۱۳
آزربایجانین تاریخی توپراقلارینین آرازین قوزئی بؤلومونون بیر پارچاسی، سوویئت دوزهنی داغیلاندان سونرا، قوزئی آزربایجان اولاراق تانینیر. آنجاق، او توپراقلار گهرچهک قوزئی آزربایجانین چوخ کوچوک بیر پارچاسیدیر. روس ایستیلاجیلیغیندان قورتولوب قالان بیر بؤلگه، پارچا پارچا اولموش، دونیا سولارینا قاپالی، روسلار، ائرمنیلهر، و گورجولهر توپرا...قلاریندا یئر آلان بو یئرلهره بیز قوزئی آذربایجان دئییریک. البته کی بو یالنیش بیر توتومدور. بیزجه، آزربایجانین قوزئیی، ویا قوزئی آزربایجان، آستاراخانا قدر یئری قاپساماقدادیر. آما، تاریخی و سیاسی حافظهنین و بهللهيین آز اولدوغو دورومدا، و باش ائییب، باسقییی قبول ائتدیغیمیز دورومدا، ملتلهر ده اؤز توپراقلارینی اهلدهن وئرهرلهر و کیملیکلهری، کولتورلهری ده توپراقلاری کیمین ايستیلا آلتینا گئدهر.
تورک کیملیگینین چوخ سیستئماتیک اولاراق سیاسی سؤیلهمدهن سیلینمهسی روسلارین طرفیندهن باشاریلی اولاراق اویقولانمیش دورومدا، قوزئی آزربایجان دئدیگیمیز یئرلهرده ده یئنی باغیمسیزلیقلارینی ائلده ائدهنده، اولکهنین آدینی قوزئی آزربایجان، و دیلینی ده تورکجه اولراق رسمیلهشدیرمهدیلهر. دولت ایدارهسینه گئچهنلهر هانگی سیاسی گؤروشدهن اولور اولسون، 150 ایل روس ایستیلاسی و 80 ایل روس ایرقچیلیغین دوشونجهسهل آراجی اولان کومونیسم ایستیلاسی آلتیندا یاشاییب، و بوتونلوکله روس یول و یؤنتهمی ایله دونیا گؤروشو گهلیشدیرمیش آداملار اولموشلار. 'روسلاشماغا و روس کیمین اولماغا اؤزهن گؤستهرمه و روس دونیا آچیسیندان دونیایا باخما دوشونوشو، بیر خستهلیک کیمین، ههمهن ههمهن بوتون قوزئی آذربایجان اوست قاتینی، و ائلیت طبقهسینی قاورامیش دورومدادیر. 'من آزربایجانلیيام، تورک دئگیلهم. دیلیم آزربایجانجادیر، تورکجه دئگیل دوشونجهسی بو خستهلیگین اهن بهلیرگین سیمگهلهریندهندیر. بو خستهلیک آدلاندیردیغیمیز دوشونوش باسقیسی و ایستیلاسی، دئيیشیک قوشاقلارین روس چارپینتیسیندان آرینماقلا اولاندیر. بو دا٬ تورک اوداقلی ائیتیم و تورک دوشونجهلی و دوشونوشلو اورتامدا اولور. قوزئی آزربایجان آبجسینده روس قالینتیسینین اولماسی، رسمی دیلین 'آزربایجانجا دئییلمهسی، و توپراقلارین آدیندا 'ریسپوبلیکا کیمین روس دئییشلی سؤزلهرین اولماسی، و گهنهلده روس یاناشیلی سیاسی و کولتورهل اورتام، و دونیا گؤروشو بیر خستهلیک کیمین دهرمان اولونمالیدیر. بو ایش ده قوشاقدان قوشاغا اولان ایشدیر و بیر قوشاقدا اولان دئگیلدیر. تورک محورلی دولتلهرین ایشیدیر. قوزئی آزربایجان باغیمسیز اولدوغونا گؤره، ههله ده بو گهلهجهيه و بو سعادتلی تورک اوداقلی میللی وارلیغا یئتیشمهیه اومود واردیر. بیزه گؤره بو اومودون قایناغی دا گونئی آزربایجاندیر. بو ملتلهشمهیین و یئنیدهن تورکلهشمهیین آچاری گونئی آزربایجاندا و ایران ایشقالیندان قورتولمادادیر.
گونئی آزربایجانین باغیمسیزلیغی، اؤنجهدهن ده وورقولادیغیمیز کیمین، بؤلگهنی، تورک دونیاسینی و دونیا سیاستینی دئگیشدیرهجهکدیر. بؤیله بیر دورومدا، 'دونیا بؤیوک گوجلهری دیه سؤیلهنیلهن اولکهلهر ده، سیاستلهرینی بیزیم دیرچهلمهمیزه گؤره و گهلیشمهمیزه گؤره دوزهنلهیهجهکلهر. بیز گونئی آزربایجانین باغیمسیزلیغی اؤلوم و دیریلیک قونوسودور دیيهنده، بونو قصد ائدیریک. گونئی آزربایجان ایران ایشقالیندا و ادارهسینده قالدیقجا، یاشادغیمیز توپراق آزربایجانسیزلاشیر، و میللئتیمیز ده تورکسوزلهشیر. بو سورهردوروم دوغرو دئگیلدیر و هئچکهسه ایللا هئچ تورکه یاراشان دئگیلدیر. گونئی آزربایجانین تاریخی توپراقلاری، اوستوندهن آزربایجان آدی گؤتورولهندهن سونرا، ایرانین ایچینده بؤلگهلهره، فارسجا 'اوستانلارا بؤلونموش و یاواش یاواش آزربایجانسیزلاشدیریلمیش دورومدادیر. گئنه ده تاریخی و سیاسی بهللهيین و حافظهنین آز اولدوغوندان، بو ایش ایران-فارس محورلی دوشونجهلهرین طرفیندهن باشارییلا اولموشدور. اؤزونو اهن آزیندان 'آزربایجان اوستانیندان بیلمهیهن بیریسینین توپراقسال و یئرسهل کیملیگی گهرگینلهشمیش و البته کی داها چوخ ایرانچیلیغا سؤوکهنهن بیر کیملیک اولوشموشدور. بو کیملیک گهرگینلیيی و شاشقینلیغی، آزربایجان آدی گئچمیش 100 ایلده اوستوندهن قالدیریلمیش یؤرهلهری اینسانلاریندا گؤرونمهکدیر. گئچمیش 100 ایلده میلیونلار گونئی آذربایجان تورکونون ایرانلیلاشماسی و فارسلاشماسی، بو اوزون سوره و پیلانلی اولاراق اؤزگهلهشمهنین سونوجودور. بیز میلیونلاردان سؤز ائدهنده بلکه بو سایی بیر آز شیشیردیلمیش و آبارتیلمیش گهله بیلیر. آما بیر آز گهرچهکجی باخیش بو آجی گهرچهيی داها دا یاخچی آنلاماغا یاردیم ائدهر. قاجار دوزهنینین داغیلیشیندان بویانا و فارسلارین فارس-ایران اوداقلی، و باسقییلا هامییی ایرانلیلاشدیرما و فارسلاشدیرما سیستئمی سورهجینه یاخچیجا اینجهلهنهنده، گهرچهکدهن ده میلیونلار تورکون اؤز کیملیگینی ایتیردیگی گون ایشیغینا چیخیر. ایندی 35 میلیون آزربایجان تورکونون ایران ایشقالیندا اولدوغونو ائشیتسهکده، گهرچهک بودور کی، اؤزونو ایرانلی بیلهن و حتي فارس بیلهن میلیونلاریمیز دا واردیر. بو آجی گهرچهک بیر ملتین گؤزوموزون اؤنونده و بیزیم یاشادیغیمیز عصرده اهرییب گئتدیيیدیر. بو کیملیک شاشقینلیغی و بو رذالت و بو اوزون سوره، هر آراشدیریجییی داها دا چوخ سورولارلا و چهتینلیکلهرله اوز اوزه بيراخیر.
'آزریلیک کیملیگی اؤزو اؤزونده بیر خبیثلیک و شرارت داشیمایان بیر سؤز اولدوغونا گؤره، دوغرودور. هر اؤزونو آزربایجانلی بیلهن کیشی (اینسان) البته کی اؤزونو 'آزری تانیتا بیلهر. باشقا ملتلهرین دیلینده ده بیزه 'آزری دئیه بیلهرلهر، و بونون هئچ ده ساقینجاسی یوخدور. ایشین اینجهلیگی اوندا گؤرونور کی، حتي بو قونو دا آزربایجان و تورک دوشمانلاری طرفیندهن قوللانیلماقدادیر. کیملیک شاشقینلیغینی آرتیرماق اوچون و چوخ اینجهلیکله پیلانلانان بو دوزاق، روسلار و اولارین پولسوز نؤکهرلهری فارسلار طرفیندهن اویقولانمیشدیر. نئجه کی 'آزری سؤزو 'تورک دئمهمهک اوچون اویدورولموشدور. حالبوکی، بیر باغیمسیز و اؤزگور ملت اؤزو اؤزونه نه دئییرسه و اؤزونو نه چاغیریرسا، او یالنیز اونو ایلگیلهندیریر. گئچمیش یوز ایلده نئجه اولکهلهرین ملتی و دولتی اونلارین آدینی دئيیشدیرمیشلهر و هئچ نه ده اولمامیش. اؤزونو نئجه آدلاندیرماق، بیر بیرئیین و بیر توپلومون ایلکهل حقلهریندهندیر. آنجاق، گونئی آزربایجاندا بو 'آزریجیلیگین و 'تورکدهن چهکینمهکلیگین کؤکو آچیقجا آزربایجان و تورک دوشمانلارینین بیزی یوخ ائتمه چابالارینداندیر. گونئی آزربایجان باغیمسیز اولمادیغینا گؤره، حال حاضردا اوردا یاشایان تورک ملتینه یئنی آد بیچیله بیلمهز، و او توپراقلارا یئنی آد سئچیله بیلمهز.
ایشقال باشلایان دوروما دونولمهلي و او دورومدا نئ ایمیش اؤیلئ اولماليدير. بوتون گونئی آزربایجان تاریخی توپراقلارا 'آزربایجان٬ و گهنهلده چوخونلوغو اولان ملته ده 'تورک ملتی دئییلیر. یالنیز باغیمسیزلیق اهلده ائدیلهندهن سونرا بو قونولار داها دموکراتیک و آچیق و بیلیمسهل آلاندا دانیشیغا آچیق اولا بیلهر. یوخسا اسارتده و ایشقال آلتیندا جان وئرهن بیر ملته یئنیدهن آد یؤنتانیب اونا بیر گون 'آزری بیر گون 'آزری زبان٬ بیر گون 'ایرانلی دئمهک البته کی ایشقالچینین و بیزی اسیر توتان دوشونجهنین بیزی داها دا شاشیرتماق و بیر بیریمیزه سالماق سیاستیدیر. بونو آنلاماقدا نه وار کی؟
'ایران تورکو آلداتماجاسینی دا اونوتمایالیم. تاریخی اولاراق، باشقا ملتلهرین بیزه نه دئمهلهریندهن اؤته، و بیزی نه آدلاندیردیقلاریندان داها کناردا، ایندیکی دونیا سیاستینده و بؤلگهنین و تورک دونیاسینین ایندیکی و گهلهجهک یارارلاری آنلاییشیلا یولا چیخدیغیمیزدا، گونئی آذربایجان باغیمسیزلیغینین و تورک ملتینین ملتلهشمهسینین اؤنونده، و ایران بوتونلويونو نه قیمتینه اولور اولسون قوروماسیندا یاخچی اویدورولموش بیر دوشونجهدیر. دئمهک 'ایران تورکو ده 'آزری سؤزو کیمین، چوخ 'یاخچی بیر ساختادیر، و بیر اسیر و کیملیک قارقاشاسی یاشایان بیر ملتی داها دا شاشدیرماق و یاهالتماقدان باشقا دئگیلدیر. بیزه گؤره، باغیمسیزلیق و اؤزگورلوک اولمادان بو قونولار یالنیز ملتیميزه یارارسیز و تهرسائتگیلیدیر.
بیزه گؤره، کیشی (اینسان) یؤرهسهل و جوغرافیسهل بیر وارلیقدیر. ایندی، بیر یئرین اوستونده یاشایان، اؤزو اؤز دیلینده اؤز آدینی اؤز ائوینه و ائشیگینه، چایینا، داغینا، یولونا، یئرینه وئرهمهزسه، ایشته بو اؤزگورلوگون قیسیتلانماسی و کیشیلیگین ده آزالماسی آنلامینا گهلیر. بیزه گؤره کیشینین (اینسان) اؤلچوسو دیرهک اولاراق اونون اؤزگورلويو ایله ایلگیلیدیر. اؤزگورلوک چوخ اولدوقجا، کیشیلیک ده او قدر اوستوندور. اؤزگورلويون اؤلچوسو سئچهنهيین چوخوللوغوندان گهلدیینه گؤره، بیرئیسهل اؤزگورلوک کیشینین سئچهنهکلهرینین چوخلوغو آنلامیندادیر. سئچهنهکلهرین چوخلوغو گوج ایله دیرهک ایلیشگیدهدیر. گوج چوخ اولدوقجا، سئچهنهکلهر ده آرتماغا باشلار و اؤزگورلوک دوزئیی یوکسهلهر. ایشته گوج ایلیشگیلهری سئچهنهکلهرله و اؤزگورلوکله بؤیلهدیر، و کیشینین داها چوخ کیشی اولدوغویلا دیرهک ایلیشگیدهدیر. کیشیلهرین (اینسان) ائشیت اولدوقلاری بیر ایستهنیلهن و یوکسهک توتولان ایلکه اولسا دا، زهمینده و گهرچهکده بؤیله دئگیلدیر. بیزه گؤره کیشی نه قدر اؤزگور ایسه او قدر ده چوخ کیشیدیر. دئمهک اؤزگورلوغون دوزئیی کیشیلیگین دوزئییدیر.
بیرئیسهل تانیملارا بهنزهر، توپلوملاری دا بؤیله گوروب دهیهرلهندیريریک. توپلوملار (جامعه) بیر بوتون اولاراق نه قدر اؤزگور ایسه، و اؤز مقدراتینا قادر ایسه او قدر چوخ و نه قدر اؤز ایشلهرینده سؤز و اوی صاحبی دئگیلسه، او قدر آز توپلومدور. چوخلوق و آزلیق البته کی دهیهر، اهلوئریشلیلیک، ایشلهییشلیلیک، و کیشیلیک اویقارلیغینا یارارلیلیق آنلامیندادیر. بیزه گؤره، ایندیکی دونیادا 100% باغیمسیزلیغین و اؤزگورلويون اهلده ائدیلمهسینین گهرچهکجی و حتي دوغرو اولمادیغینی گؤزده توتاراق، توپلوملارین و اونلاری دوزهلدهن بیرئیلهرین (شخص) وارلیق اولچوسو اؤزگورلوکدور.
اوغوز تورک
۲۰۱۳
No comments:
Post a Comment